Ish-kryediplomatja: Kjo është çfarë serbët e denjë lokalë mendojnë për synimet monopolizuese të “Listës Serbe”

Ish-kryediplomatja kosovare, Meliza Haradinaj-Stublla, ka reaguar pasi sot në Veri të Kosovës janë shfaqur poster të Milan Radojiçiqit.

Ajo ka shkruar se serbët e denjë të Kosovës janë në tension të vazhdueshëm, kërcënim e friksim nga Aleksander Vuçiq dhe kriminelët në Veri të Kosovës, shkruan Express.

Haradinaj-Stublla ka shkruar se posterët e sotëm tregojnë atë çfarë serbët lokalë mendojnë për përpjekjen e Listës Serbe për monopolizimin e përfaqësimit politik serb nën urdhrat e Aleksander Vuçiqit dhe tendencës që vazhdimisht të nxit përleshje artificiale etnike.