Shërimi i Kate Middleton mund të zgjasë më shumë nga sa kishin paralajmëruar.
Edhe pse mediat së fundmi njoftuan se princesha nuk do të rikthehet në daljet publike deri në fund të vitit, një burim pranë familjes mbretërore zbuloi për US Weekly se Kate me shumë gjasa që nuk do t’i kthehet fare detyrave.
“Ekipi i saj po rivlerëson se cilat detyra do të jetë në gjendje të marrë përsipër kur të kthehet. Ajo mund të mos kthehet kurrë në rolin në të cilin njerëzit e kanë parë më parë”, tha burimi pranë pallatit mbretëror.
Nga ana tjetër, disa burime pohojnë se princesha po shërohet me sukses nga kanceri. Princi William së fundmi vizitoi “St. Mary’s Community Hospital”, ku ai gjithashtu tha se Kate po shkonte mirë.
Meqë ra fjala, Kate është parë javët e fundit duke bërë gjëra private me familjen e saj. Një nga burimet tha se princesha është mjaft e fortë për t’u angazhuar në rritjen e fëmijëve. Megjithatë, duke qenë se ajo është ende e ndjeshme, ajo përpiqet të shmangë të parët e tjerë.
Sa për kujtesë, është konfirmuar se ai nuk do të marrë pjesë në provat e ceremonisë vjetore të Trooping the Color, e cila është planifikuar për në 15 qershor.
Gjithashtu, Pallati i Buckinghamit tha se anëtarët mbretërorë do të anulonin ngjarjet që ata mendonin se mund të shpërqendronin nga fushata zgjedhore
