Kandidati për deputet nga radhët e Aleancës për Ardhmërinë e Kosovës (AAK), Daut Haradinaj, pas vizitës në Zvicër, sot ka vazhduar me vizitë në Gjermani.
Daut Haradinaj ka takuar sot strukturat e degës në Baden Württemberg.
“Aleanca në përbërjen e saj në Gjermani ka njerëz me vlera të jashtëzakonshme, të dëshmuar në fusha të ndryshme me sukseset e tyre. E drejtuar nga Ukë Blakaj, është kthyer adresë serioze për secilin bashkatdhetar dhe punë e arritur me shumë vendosmëri, po shndërrohet në sukses të përbashkët për shtepinë tonë, Aleancën. Sot së bashku me kolegë iu bashkuam takimit të rëndësishëm dhe tepër entuziast të degës së Aleancës për Ardhmërinë e Kosovës – dega Baden Württemberg, me kryetar të saj, z. Pleurat Berisha, dhe kryetarët e nëndegëve; Arsim Zeiqraj – Pforzheim, Hasan Hadërgjonaj – Stuttgard, Kolë Gashi – Mannheim, Visar Gashi – Heilbroon, Hamëz Agaj – Ludwigsburg, Nazmi Gashi – Lörach, Valdet Qekaj Gopingen, Hasan, Hadergjonaj – Nurtingen, Gresa Pozhegu – Boblingen”, ka thënë Daut Haradinaj.
