Nga këto 117 dëshmi, 76 prej tyre janë pranuar sipas Rregullës 153, e cila parasheh që dëshmia e dëshmitarëve nuk ka qenë e drejtpërdrejtë me sjelljen e pretenduar të të akuzuarave në këtë çështje, raporton “Betimi për Drejtësi“.
Ndërsa, 41 dëshmi janë pranuar sipas Rregullës 155, e cila parasheh se një dëshmi mund të pranohet me shkrim kur një dëshmitar nuk është i diponueshem ose në rast që ai ka vdekur apo dëshmia e tij është ndikuar nga ndonjë ndërhyrje si kërcënimi, frikësimi, lëndimi, ofrimi i pagesës, e të tjera.
Kjo u konfirmua edhe nga zëdhënësi i DhSK-së, Michael Doyle në konferencën javore të enjten, i cili tha se në këtë rast ishte planifikuar që të dëshmonte edhe dëshmitari i 126-të, por që ai nuk u paraqit dhe Prokuroria ka njoftuar se do ta paraqes dëshminë e tij për t’u pranuar me shkrim.
Veç kësaj, Doyle rikujtoi se më parë, ZPS-ja ka njoftuar se deri më 15 prill synon që ta mbyll çështjen e saj. Ndërsa, meqenëse Prokuroria s’ka më dëshmitarë, konferenca për ecurinë e çështjes në këtë rast është caktuar për 23 prill 2025.
Doyle tregoi se pasi Prokuroria mbyll paraqitjen e provave të veta, mbrojtja mund të dorëzojë mocione për rrëzimin e ndonjë akuze apo edhe të gjitha akuzat në aktakuzë.
Në varësi të vendimit lidhur me këto mocione, mbrojtësi i viktimave do ta ketë mundësinë që të thërrasë dëshmitarët e vet. Sipas Doyle, janë mbi 150 viktima në këtë rast që janë të kombësive të ndryshme.
Doyle gjithashtu tregoi se pas kësaj, ekipet mbrojtëse do ta kenë mundësinë që në rast se dëshirojnë, të thërrasin dëshmitarët e vet.
Në këtë rast, Doyle tregoi se janë pranuar disa prova e disa janë refuzuar, për të cilat kishte dorëzuar mocion Prokuroria. Këto prova kanë të bëjnë me Zonën Operative të Pashtrikut. Gjithashtu, sipas tij, në prova materiale janë pranuar një intervistë në media dhe ballinat e tri librave që kishin të bënin me autenticitetin e një vëllimi që ishte paraqitur më parë për t’u pranuar si provë.
Zëdhënësi gjithashtu tregoi se më 27 mars dhe 1 prill 2025, Prokuroria ka dorëzuar versionet me më pak redaktime të tri transkriptave të gjykimit lidhur me dëshmitë e tre dëshmitarëve në seancat e shkurtit.
Ai foli edhe për rastin e Pjetër Shalës, për të cilin Apeli i ka caktuar 15 dhe 16 majin për seanca, si dhe tregoi se Paneli ka refuzuar një mocion të mbrojtjes për ta thirrë një dëshmitar dhe për të pranuar në prova materiale shënime dhe intervista lidhur me këtë dëshmitar në raste të tjera gjyqësore.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë
