Gjobiten dy vozitës që ishin duke bërë gara me veturat e tyre në Gjilan

Policia e Kosovës ka gjobitur sot dy shofer në Gjilan, ata u zunë duke bërë gara.

Sipas njoftimit të policisë ata kishin tejkaluar shpejtësinë e paraparë.

“Policia në Gjilan ka identifikuar dy kundërvajtës, të cilët në aksin rrugor Gjilan-Kamenicë ishin duke zhvilluar gara të shpejtësisë me automjetet e tyre në zonën vendbanim ku kufizimi i shpejtësisë së lejuar është 50 km/h”, thuhet në njoftim.

Bëhet e ditur se të njëjtëve u janë shqiptuar gjoba në vlerë prej 500 euro, 5 pikë negative dhe masën e përkohshme të ndalim vozitjes së mjeteve motorike në afat prej 12 muajsh.