I ftuar në “Blic Interview me Astrit Gashin”, Hasani ka deklaruar se pavarësisht të metave që mund t’i ketë ligji, kërkesa e protestuesve, organizatorëve dhe PDK-së ka qenë që ai të miratohet.
Sipas tij, kushtëzimi i ligjit përmes çështjes së presidentit dhe përdorimi i gjakut të dëshmorëve në këtë proces politik janë të papranueshme.
“Pavarësisht të metave që i ka ose mund t’i ketë ligji, kërkesa e protestuesve, e organizatorit dhe e PDK-së ka qenë që ligji të miratohet. Kushtëzimet që janë bërë përmes presidentit dhe ligjit, përmes gjakut të dëshmorëve duke shti në pazar për presidentin, për mua janë të papranueshme. Shkelja më e rëndë që do ta ketë në ndërgjegje Bedria gjithë kohën do të jetë pazari i presidentit për ligjin”, ka deklaruar Hasani.
