Prezantuesja sportive argjentinase, Sofi Martinez ka hedhur poshtë thashethemet për një lidhje me Lionel Messin, duke i quajtur ato “qesharake”.
Martinez ka qenë në qendër të vëmendjes gjatë viteve të fundit për suksesin e saj në mbulimin e ekipit kombëtar argjentinas të futbollit, përveç punës së saj në ngjarje të tjera sportive.
Kjo ka bërë që ajo të intervistojë një numër të madh të yjeve më të mëdhenj të sportit të Argjentinës, përfshirë Messin. Thashethemet u shpërndan se atamund të jenë të përfshirë në një lidhje romantike, pavarësisht martesës shtatëvjeçare të Messit me të dashurën e fëmijërisë, Antonela Roccuzzo, me të cilën ai ka tre djem.
Megjithatë, Martinez hodhi poshtë pretendimet, duke treguar se sa dhimbje i ka shkaktuar kjo asaj dhe familjes së saj.
“Shumë herë kur ekspozimi juaj rritet, sjell gjëra që nuk janë të mira dhe për këtë, familja ime vuan shumë”, tha Martines.
Martinez pohoi gjithashtu se ajo ishte bërë objektiv i thashethemeve vetëm për shkak të gjinisë së saj. Ajo i tha audiencës se prezantuesi i ‘Podemos Hablar’ Andy Kusnetzoff mund ta shikonte Messin në të njëjtën mënyrë, por nuk do të nxiste spekulime sepse ai është burrë.
As Messi dhe as Antonela nuk i kanë adresuar thashethemet, pavarësisht pretendimeve të së kaluarës se nëna e tre fëmijëve ishte xheloze për marrëdhënien e punës së burrit të saj me Martinezin.
