FSK me trajnime në Prishtinë, Komuna: Do të ketë lëvizje të automjeteve ushtarake, s’ka vend për shqetësim

Komuna e Prishtinës ka njoftuar qytetarët se Forca e Sigurisë së Kosovës do të zhvillojë trajnime në terren në këtë qytet.

Sipas njoftimit të Komunës, ky trajnim do të zhvillohet gjatë datave 15 deri më 17 nëntor 2024.

Komuna ka bërë të ditur se FSK do të jetë e pranishmë në fshatrat Butovc dhe Zllatar.

Ndërkaq, gjatë kësaj periudhe do të ketë lëvizje të automjeteve ushtarake në këto fshatra, ku komuna thotë se ky është një trajnim i planifikueshëm dhe nuk ka vend për shqetësim.