“Big Brother Vip 3” ka hapur dyert e shtëpisë më të famshme në Shqipëri për personazhet e njohur publik, që deri tani janë në total 24 persona. Pavarësisht se ka pak ditë që ka filluar, zhurma e tij ka pushtuar menjëherë kryeartikujt e mediave rozë por jo vetëm.
Ndërkohë që jemi në ditën katërt të këtij edicioni, mesa duket publiku ka krijuar menjëherë pëlqimet e para dhe një ndër to është këngëtarja e njohur, Fifi.
Ditën e sotme, artistja ka bërë një bisedë virtuale me ndjekësit e saj në Instagram, ku sigurisht nuk i kanë munguar edhe pyetjet në lidhje me personazhin e saj të preferuar në BBV3.
Përmes një postimi të bërë në Instastory, këngëtarja e shumë hiteve muzikore ka treguar se në këtë edicion përkrah Romeon.
“Çfarë mendon për Romeon”, ka qenë pyetja që i është drejtuar artistes në Instagram.
“Që është banori im i preferuar momentalisht”, përgjigjet Fifi, teksa ka publikuar gjithashtu edhe mënyrat se si mund ta votojnë Romeon.
![](https://gsh.top-media.al/media10/Screenshot-2024-01-17-174828-329x720.png)
Kujtojmë që Fifi ka qenë një ish-konkurrente e Big Brother Vip 1, e cila e ndërpreu garën e saj për shkak të një gjendjeje të rënduar psikologjike.