Një moment me humor nga dasma e vëllait të Don Xhonit ka pushtuar rrjetet sociale, pasi këngëtarja Fatmira Breçani improvizoi disa vargje të dedikuara për reperin dhe statusin e tij si beqar.
Familja e Don Xhonit festoi këtë të shtunë martesën e vëllait të tij, Leonardit, në një ceremoni madhështore ku morën pjesë familjarë, miq dhe të ftuar të shumtë.
Për atmosferën muzikore u kujdes edhe Fatmira Breçani, e cila me interpretimet e saj e ngriti atmosferën dhe krijoi disa prej momenteve më të komentuara të mbrëmjes.
“Shit Rolex-in, gjaje ni grue”
Një nga momentet që tërhoqi më së shumti vëmendjen ishte ai kur këngëtarja iu drejtua Don Xhonit me disa vargje të improvizuara:
“O Don Xhoni pa martue, shit Rolex-in, gjaje ni grue”.
Batuta shkaktoi reagime dhe të qeshura mes të pranishmëve, ndërsa gjatë këngës erdhi edhe përgjigjja me humor:
“Unë Rolex-in nuk e shes, ja e gjaj, ja do t’vdes, se ja lujte ment e kres”.
Videoja e këtij momenti u shpërnda me shpejtësi në rrjetet sociale, duke u kthyer në një nga episodet më të komentuara nga dasma.
Ndërsa vëmendja kryesore e mbrëmjes ishte te martesa e Leonardit, improvizimi i Fatmira Breçanit për Don Xhonin i dha ceremonisë edhe një dozë humori, duke e kthyer reperin për pak çaste në protagonist të festës.
