Kryetari i Nismës Socialdemokrate, Fatmi Limaj, ka prezantuar sot aderimin më të ri në subjektin e tij politik.
Ai ka bërë me dije se Burim Ugzmajli nga Ferizaj është përforcimi më i ri i Nismës.
Në profilin e tij në “Facebook”, Limaj ka shkruar se Ugzmajli është një profesionist i shquar, i cili ka përfunduar masterin e politikave të Bashkimit Evropian dhe ka mbi 20 vite përvojë në arsim.
“Kam kënaqësinë të prezentoj aderimin e ri në radhët tona, Burim Ugzmajli. Burimi jeton dhe vepron në Ferizaj, është një profesionist i shquar, ka përfunduar masterin e politikave të Bashkimit Evropian dhe ka mbi 20 vite përvojë në arsim. Ai sjell me vete një njohuri të thellë dhe një angazhim të palëkundur për zhvillimin e shoqërisë tonë. Burimi do të kontribuojë me përkushtim në promovimin e vlerave tona dhe në forcimin e rolit të Nismës në proceset politik. E mirëpresim me gëzim dhe presim që së bashku të punojmë për një të ardhme më të ndritur për të gjithë qytetarë e Ferizajit. Mirë se erdhe, Burim!”, ka shkruar LImaj.
