20.4 C
New York
Friday, November 20, 2026

Buy now

EULEX-i: Zyrtarët tanë nuk drejtuan armë ndaj askujt gjatë vizitës së Jakup Krasniqit

- Advertisement -

Misioni i Bashkimit Evropian për Sundimin e Ligjit në Kosovë (EULEX) ka reaguar ndaj raportimeve të disa mediave për trajtimin e pretenduar të papërshtatshëm të armëve të zjarrit nga zyrtarët policorë të misionit, gjatë ofrimit të mbështetjes logjistike dhe operative për Dhomat e Specializuara të Kosovës në rastin e Jakup Krasniqit.

Përmes një komunikate, EULEX-i i ka cilësuar këto pretendime si të pabazuara, duke i mohuar kategorikisht ato.

Misioni ka sqaruar se bëhet fjalë për një vizitë në paraburgim të Jakup Krasniqit, e cila ishte realizuar për arsye të domosdoshme humanitare.

“EULEX-i thekson fuqishëm se zyrtarët policorë të misionit nuk kanë drejtuar asnjë armë ndaj askujt, në asnjë moment”, thuhet në reagim.

EULEX-i ka theksuar gjithashtu se personeli i tij i trajton armët e zjarrit në përputhje të plotë me standardet ndërkombëtare dhe evropiane.

Reagimi i misionit vjen pas raportimeve të disa mediave se një pjesëtar i EULEX-it ia kishte drejtuar armën një familjari të Jakup Krasniqit.

Të ngjashme

Të fundit