28.9 C
New York
Thursday, June 13, 2024

Buy now

Erdogan: Turqia dhe Libia të mbrojnë interesat e tyre të përbashkëta në Mesdheun Lindor

- Advertisement -

Presidenti i Turqisë, Recep Tayyip Erdogan, ka zhvilluar në Ankara një takim me kreun e Qeverisë së Pajtimit Kombëtar në Tripoli, Abdulhamid Dbeiba.

Gjatë takimit u diskutua për bashkëpunimin energjetik midis Turqisë dhe Libisë, ku presidenti Erdogan deklaroi se të dy vendet duhet të jenë në kontakt të ngushtë për të mbrojtur interesat e tyre të përbashkëta në Mesdheun Lindor, njoftoi rrjeti shtetëror TRT.

Sakaq, u diskutuan edhe zhvillimet e fundit në Libi, lufta në Gaza, çështje rajonale dhe globale. Presidenti Erdogan deklaroi se marrëdhëniet midis Turqisë dhe Libisë vazhdojnë të zhvillohen në të gjitha fushat, se do të ishte e dobishme të fillonte një proces dialogu për të siguruar unitet dhe solidaritet në Libi duke mbrojtur legjitimitetin e Qeverisë së Pajtimit Kombëtar dhe se Turqia është e gatshme për të ofruar mbështetje në këtë kontekst.

Në fund, presidenti turk shprehu vlerësimin e tij për mbështetjen e Libisë për palestinezët dhe deklaroi se vendimi i Tripolit për të ndërhyrë në çështjen e gjenocidit kundër Izraelit në Gjykatën Ndërkombëtare të Drejtësisë, si në Ankara, ishte i saktë.

Të ngjashme

111,400FansaPëlqeje
12,000NdjekësitNdjek

Të fundit