31.7 C
New York
Tuesday, June 25, 2024

Buy now

Eksperti për Ballkan: Kosova bëri shumë gabime për KiE

- Advertisement -

Historiani dhe eksperti për Ballkanin Konrad Clewing ka folur rreth çështjes së mosëanëtarësimit të Kosovës në Këshillin e Evropës.

Ai në një intervistë për Deutsche Welle deklaroi se Kosova bëri shumë gabime që e humbi shansin për KiE

“ Së pari, u mbështet në faktin se partnerët perëndimorë të Kosovës, duke parë politikën serbe, do të hapnin rrugën për anëtarësimin në Këshillin e Evropës. Gabimisht mendoi se tri fuqitë e mëdha të BE-së do të ndihmonin në minutën e fundit”.

“Së dyti, qeveria e tanishme dhe ato të mëparshme nuk zhvilluan një plan për Asociacionin e Komunave pas vendimit të Gjykatës Kushtetuese të vitit 2015. Të mendosh se kjo çështje do të zgjidhet vetvetiu është naive dhe një gabim i madh politik. Kjo u dha hapësirë aktorëve perëndimorë – nga Lajčak deri te liderët në Berlin, Paris dhe Romë – për të ndërhyrë. Parakushti për të paraqitur planin e Lajçak pa negociata të mëtejshme me dhe në Kosovë në Gjykatën Kushtetuese ishte një ndërhyrje që meriton kritikë. Letra e tre liderëve drejtuar Kurtit më 15 maj ishte gjithashtu shumë e ashpër. Megjithatë: Nëse qeveria do të kishte vepruar më herët, kjo mund të ishte shmangur”.

“Së treti, veprimet e javës së kaluar nga Ministria e Jashtme erdhën shumë vonë dhe pa shumë përmbajtje. Është e pakuptueshme se si mund të besohej se në minutën e fundit Gjermania, Franca ose Italia dhe gjithë QUINT do të ndryshonin mendjen dhe të pranonin një plan ende të papërfunduar si ai i Fondacionit FES”, tha ai.

Kosova nuk arriti të futej në agjendën e Komitetit të Ministrave të Këshillit të Evropës as në takimin e 17 majit.

Të ngjashme

111,400FansaPëlqeje
12,000NdjekësitNdjek

Të fundit