Dhurata Dora është një nga këngëtaret shqiptare më të dashura për publikun, jo vetëm për zërin e mrekullueshëm që ka, por edhe për përformacat interesante që sjell. Bukuroshja nuk është shpesh aktive në rrjete sociale lidhur me përditshmërinë e saj pasi më së shumti poston nga angazhimet profesionale në muzikë, si koncertet, xhirimet e klipeve të reja apo sukseset me miliona klikime që arrijnë projektet e saj.

Ka kaluar disa muaj që kur këngëtarja ka publikuar këngën e saj të fundit e duket se tashmë është gati të publikojë një projekt të ri muzikor, i cili do të jetë një bashkëpunim. Mbrëmjen e djeshme Dhurata dhe reperi i njohur, Don Xhon kanë befasuar fansat, pasi kanë postuar një video së bashku duke treguar pak nga kënga e tyre e re. Ky është bashkëpunimi i tyre i parë dhe të gjithë ndjekësit janë kuriozë.