Milorad Dodik, president i Republikës Serbe në Bosnje dhe Hercegovinë, është duke vizituar Rusinë, një vend të sanksionuar nga Perëndimi.

Dodik, që është në listën e zezë të ShBA-së, ka paralajmëruar një takim me presidentin rus Vladimir Putin.

Në një postim në “X”, Dodik, që njihet për qëndrimet nacionaliste, ka shkruar se gjendet në Shën Petersburg.

“Ne mbërritëm herët në mëngjes në Shën Petersburg. Po i fillojmë takimet me biznismenë. Në pjesën e dytë të ditës, e kam një takim me presidentin e Federatës Ruse, Vladimir Putin” – ka shkruar ai.