Kevin de Bruyne ka konfirmuar diçka që ishte “sekret publik”: koha e tij te Manchester City do të përfundojë këtë verë.
Pas një dekade duke udhëhequr mesfushën e Pep Guardiolës, mesfushori bel ka vendosur të mbyllë epokën e artë të karrierës së tij.
Si 33-vjeçar, mesfushori po mendon për sfidën e tij të radhës profesionale dhe të gjitha faktet dërgojnë të një kalim i tij përtej Oqeanit Atlantik.
Në orët e fundit, mediume të ndryshme britaneze kanë raportuar se De Bruyne është afër nënshkrimit me Inter Miamin, aty ku po shkëlqejnë Lionel Messi e Luis Suarez.
Klubi që pronar ka David Beckhamin, e sheh mesfushorin si aset ideal për të përforcuar projektin e tij sportiv dhe komercial.
Anipse fillimisht kishte spekulime se San Diego është në “pole-position” për të siguruar nënshkrimin e tij, kërkesat e larta financiare të belgut kanë bërë që ata të tërhiqen.
Kjo e ka lënë rrugën e lirë për Inter Miamin, i cili është shumë i interesuar për të shtuar një superyll europian në ekipin e tij.
Pjesë e Inter Miamit janë edhe dy ish-yjet e Barcelonës, Jordi Alba dhe Sergio Busquets. Ndërsa, trajner i ekipit është po ashtu një ish-lojtar i klubit katalunas, Javier Mascherano.
