Brad Pitt dhe e dashura e tij, stilistja e bizhuterive Ines de Ramon, e kaluan të shtunën në Paris, ku ndoqën nga tribunat finalen e femrave të French Open.
Çifti ndoqën ndeshjen historike midis polakes Maja Chwalinska dhe ruses Mirra Andreeva në Court Philippe-Chatrier në Roland-Garros, e cila fitoi 6-3, 6-2 për të fituar titullin e saj të parë Grand Slam, transmeton Indeksonline.
Pitt, i njohur si një tifoz i madh i tenisit dhe një mysafir i shpeshtë në turne të mëdha, ndoqi çdo pikë me shumë interes. Gjatë momenteve të tensionuara të ndeshjes, aktori 62-vjeçar dhe 33-vjeçarja Ines, të cilët janë në një lidhje që nga viti 2022, nuk e fshehën dashurinë e tyre. Në një moment, ai i vuri krahun rreth belit dhe ajo i pëshpëriti diçka.
Skena të tilla nuk janë të zakonshme kur bëhet fjalë për aktorin e famshëm. Edhe pse Pitt dhe Ines janë shfaqur disa herë së bashku në publik, ata nuk kanë shkëmbyer dashuri para fotografëve.
Për këtë rast, Pitt vendosi syze dielli të mëdha, ndërsa Ines dukej elegante me një fustan krem dhe xhaketë lëkure jeshile. Fytyra të tjera të famshme ishin gjithashtu në tribuna. Aktorja Laura Dern mbërriti me vajzën e saj Jaye Harper, dhe Rebel Wilson nuk mungoi në duelin e tensionuar.
Pavarësisht problemeve familjare që janë raportuar ditët e fundit, Pitt dukej në humor të mirë në Paris me Ines. Çifti u pa të kapeshin për dore dhe, gjatë qëndrimit të tyre në kryeqytetin francez, thuhet se morën pjesë në një koncert të Red Hot Chili Peppers dhe darkuan së bashku.
