9.3 C
New York
Saturday, April 13, 2024

Buy now

Cristiano Ronaldo nuk ndalet, tre gola dhe dy asistime në një ndeshje

- Advertisement -

I mjaftuan vetëm 45 minuta.

Cristiano Ronaldo vazhdon të jetë në formë fantastike, pavarësisht moshës 39-vjeçare, dhe niveli I tij ishte sërish tepër i lartë.

Edhe pse luan në Ligën Profesioniste Saudite, pra jo në një nga pesë ligat e mëdha europiane, sërish nuk mund të hidhet poshtë një yll që realizon 3 gola e jep dy asistë në vetëm një pjesë loje.

Për më tepër, një legjendë që është shënuesi më i mirë në historinë e futbollit, nëse nuk llogarisim bomberat para Luftës së Dytë Botërore, për të cilët statistikat nuk janë 100 për qind të sakta.

CR7 e realizoi arritjen e radhës në fitoren 8-0 që Al Nasr arriti në fushën e ekipit të dytë më të dobët të kampionatit, Abha.

Dy herë ia doli nga goditja e dënimit, ndërsa kishte kohë që nuk ia dilte nga aksionet standarde. Veterani ka 5 gola vetëm në dy ndeshjet e fundit.

“Tregolëshi i Ronaldos udhëheq Al Nasrin në fshesën ndaj Abhës me 8 gola”, shkruan e përditshmja saudite Al Rijad.

E përditshmja portugeze “Rekord” ngre në qiell superyllin: CR7 i Madhërishëm! Shënon hatrik dhe jep dy asistime!

Tashmë, ai ka 29 rrjeta e 10 asistë në ligë, dhe 6 gola e 2 asistë në Championsin e Azisë.

Në karrierë, Cristiano llogarit plot 885 tundje rrjete.

Gjithsesi, këtë sezon ai mund të fitojë vetëm Këpucën e Artë, gjë që është pothuajse e sigurt pasi sulmuesi serb, Mitrovic është i dëmtuar.

Titullin në Arabinë Saudite do ta marrë Al Hilal, ndërsa Ronaldo është eliminuar edhe nga Liga e Kampionëve e Azisë. /abcnews.al/

Shikoni golat e ndeshjes

Të ngjashme

111,400FansaPëlqeje
12,000NdjekësitNdjek

Të fundit