Singapori vijon të ruajë fronin si vendi me pasaportën më të fuqishme në botë për vitin 2025. Qytetarët e këtij shteti gëzojnë akses pa viza në 195 nga 227 destinacione në mbarë botën, sipas Indeksit të Pasaportave Henley, më shumë se qytetarët e çdo vendi tjetër në botë.
Japonia renditet e dyta për fuqinë e pasaportës, me akses në 193 destinacione pa viza, duke rifituar hyrjen në Kinë pas pandemisë. Vendet anëtare të BE-së si Franca, Gjermania, Italia, Spanja, Finlanda dhe Koreja e Jugut janë në vendin e tretë me akses në 192 destinacione. Pozicioni i katërt mbahet nga shtatë vende të BE-së (Austri, Danimarkë, Irlandë, Luksemburg, Hollandë, Norvegji dhe Suedi) me akses në 191 destinacione, duke pasqyruar fuqinë e zonës Shengen për lëvizjen e lirë. Në vendin e pestë janë pesë vende Belgjika, Zelanda e Re, Portugalia, Zvicra dhe Britania e Madhe që të gjitha kanë akses pa viza në 190 destinacione.
Pjesa tjetër e top 10-ës dominohet nga vendet evropiane, me disa përjashtime. Australia dhe Greqia janë të barabartë në vendin e gjashtë, ndërsa Malta, Polonia dhe Kanadaja janë në vendin e shtatë.
Emiratet e Bashkuara Arabe janë një nga historitë më të mëdha të suksesit të indeksit në lëvizshmërinë globale, duke siguruar akses në 72 destinacione shtesë që nga viti 2015, duke e lejuar atë të ngjitet me 32 vende në vendin e 10-të me akses pa viza në 185 destinacione.
Kina është gjithashtu një vend që ka fituar shumë vende, duke u ngjitur në listë nga vendi i 94-të në 2015-ën në vendin e 60-të në 2025-ën.
