Ish-ambasadori i Kosovës, Edon Cana, vlerëson se njohja de facto e Kosovës nuk do të thotë asgjë.
Ai u shpreh se ai që ka qenë pak në dialog e i kupton këto procese, e di se janë disa marrëveshje shumë të mëdha dhe se njëra prej tyre është menaxhimi i integruar i kufijve dhe marrëveshje tjera të cilat e bëjnë njohjen de facto të Kosovës.
“Pra çka do të thotë njohja de facto e Kosovës tani. Do të thotë asgjë!”, deklaroi Cana.
“Edhe po ta kemi njohjen de jure, nëse ne nuk e kemi tani me nënshkrimin e Asociacionit – d.m.th draftit të statutit, nuk e kemi njohjen de jure, prapë kemi një rrezik në të ardhmen që ta kemi edhe njohjen de jure me hapin e ardhshëm, sepse në hapin e ardhshëm për njohjen de jure ti duhet të bësh kompromis, dhe ky kompromis tjetër do të jetë hapi i ardhshëm ku ky vetmenaxhim me karakter territorial do të shndërrohet në një entitet autonom. Pra njohja de facto d.m.th asgjë!”, tha Edon Cana në Klan Kosova.