Ministri i Punëve të Jashtme të Maqedonisë së Veriut, Bujar Osmani do të vizitojë Kosovën të premten e 26 majit me ç’rast, do të takojë krerët e shtetit.
Ministri Bujar Osmani do të zhvillojë takime të ndara me presidenten e Kosovës, Vjosa Osmani, kryeministrin Albin Kurti, dhe homologen, Donika Gërvalla.
Takimet e tij me figurat politike të vendit, Ministri Osmani do t’i nisë me homologen e tij, Ministren e Punëve të Jashtme dhe Diasporës, Donika Gërvalla me fillim nga ora 9:00. Pas këtij takimi, pritet që të mbahet një konferencë për media.
Ndërkaq, takime të ndara do të ketë edhe me Presidenten e Republikës së Kosovës me fillim nga ora 10:25, në kabinetin e presidentes.
Më vonë në mesditë, ministri Osmani do të takojë Kryeministrin e Republikës së Kosovës, Albin Kurti.
