Përmes një mesazhi në Facebook, Ismaili uroi që të gjithë besimtarët që kanë kryer Haxhin të jenë shëndoshë e mirë dhe që adhurimi i tyre të jetë i pranuar tek Allahu.
Ajo theksoi se lutjet dhe sakrificat e haxhinjve qofshin të shpërblyera me mëshirë, dritë dhe begati në jetët e tyre, ndërsa shprehu dëshirën që kthimi i tyre pranë familjeve të jetë i lehtë dhe i mbushur me gëzimin e festës së Kurban Bajramit.
“Haxhi i tyre qoftë i pranuar dhe kjo rrugë e bekuar të jetë forcim i besimit dhe burim mirësish për ta dhe për familjet që i presin me mall”, thuhet ndër të tjera në urimin e saj.
Në fund, Ismaili uroi të gjithë haxhinjtë me fjalët: “Haxh të pranuar!”.
Postimi:
Në këtë ditë të bekuar të Arafatit që përmbyllëm, lusim Zotin e Madhërishëm që të gjithë haxhinjtë nga Kosova të jenë shëndosh dhe mirë! Ata të cilët sot kanë përmbyllur ritualet e Haxhit, urojmë nga zemra që Haxhi i tyre të jetë i pranuar tek Allahu, lutjet dhe sakrificat e tyre të shpërblehen me mëshirë e dritë në jetët e tyre.
Zoti ua lehtësoftë atyre kthimin pranë familjeve të tyre, që t’i gjejnë të gjithë mirë e të bashkuar në gëzimin e festës së Kurban Bajramit nesër inshallah!
Qoftë kjo rrugë e bekuar që kanë bërë realizim i idealeve të tyre fetare, forcim i besimit dhe burim i mirësive për ta dhe për të gjithë ata që i presin me mall.
Haxh të pranuar! 🤲🕋
