- Advertisement -
Presidenti Bajram Begaj ka thënë se Shqipëria do të jetë krahë Kosovës përballë çdo kërcënimi apo sfide dhe do të jetë përkrahëse për anëtarësimin në organizatat ndërkombëtare.
Në urimin që i ka dërguar presidentes Vjosa Osmani për 16-vjetorin e Pavarësisë së Kosovës, Begaj ka vlerësuar zgjerimin e marrëdhënieve dhe bashkëpunimin strategjik “si dy republika të një kombi”.
“Shqipëria do të jetë gjithmonë krah Kosovës, në çdo hap të saj për përballimin e çdo kërcënimi si dhe për anëtarësimet e reja në organizata ndërkombëtare”, ka shkruar presidenti Begaj në telegramin e urimit.
