Barcelona mbetet e interesuar për një sulmues që do të ishte zëvendësues i Robert Lewandowskit në 11-shen startuese.
Me lojtarin polak në fazën e fundit të karrierës së tij, menaxhmenti sportiv i Barcelonës ka nisur të vlerësojë mundësitë, me Victor Osimhenin si një nga kandidatët më serioz.
Sulmuesi nigerian – i huazuar te Galatasaray nga Napoli – e ka rigjetur formën e tij të dikurshme në Superligën e Turqisë, duke qenë një nga figurat më të rëndësishme të skuadrës së tij dhe jo vetëm.
Shpejtësia e tij, finalizimi dhe aftësia për të luajtur mes linjave e bëjnë atë si profilin e lojtarit që Barcelona po e kërkon, megjithatë nënshkrimi me të nuk do të jetë i lehtë.
Napoli është pajtuar me largimin e tij gjatë verës, mirëpo nuk do të pranojnë oferta për më pak se 75 – 80 milionë euro.
Shumë kjo shumë e lartë për Barcelonën, e cila ende po përballet me sfida financiare, dhe për të realizuar një marrëveshje si kjo, i duhet t’i shesë disa lojtarë që nuk llogaritë në ta.
Çka i mbetet Decos – si drejtor sportiv – është që të vlerësojë nëse ia vlen të rrezikohet për një lojtar si Osimhen, ose të kërkojë në treg lojtarë më të lirë se ai.
