Bronny James, djali i madh i superyllit të Los Angeles Lakers, LeBron James, është deklaruar për draftin e NBA 2024 të premten në një postim në mediat sociale.
Ai do të stërvitet dhe do të takohet me ekipet e NBA për të përcaktuar nëse dëshiron të bëhet profesionist. Ai ka afat deri më 16 qershor për të tërhequr emrin e tij.
“Kam pasur një vit me disa ulje dhe ngritje, por të gjitha më kanë shtuar rritjen si burrë, student dhe sportist”, tha ai.
“Kam marrë vendimin të hyj në draftin e NBA-së duke ruajtur pranueshmërinë time të kolegjit, dhe gjithashtu do të hyj në sistemin e transferimeve NCAA”.
“Faleminderit USC-së për një vit të mrekullueshëm fillestar, dhe si gjithmonë mirënjohës për familjen time, miqtë, mjekët, trajnerët e sportit dhe fansat për mbështetjen e tyre”.
Bronny kishte mesatarisht 4.8 pikë, 2.8 kërcime dhe 2.1 asistime për 19.4 minuta për lojë.
James i kapërceu vështirësitë në fillim të karrierës së tij në kolegj pasi pësoi një arrest kardiak gjatë stërvitjes në korrikun e vitit të kaluar.
