Avokati i Popullit për procesin në Hagë: Qysh në vitin 2021 i ngrita shqetësimet, por pati thuajse shpërfillje totale

Avokati i Popullit, Naim Qelaj,  ka thënë se shqetësimet lidhur me të akuzuarit në Hagë i kishte ngritur që në vitin 2021, pas vizitës së tij në Hagë.

Qelaj tha se për këto shqetësime kishte paraqitur edhe raport në Republikën e Kosovës, por sipas tij, ato janë shpërfillur për më shumë se katër vjet.

“Qysh në vitin 2021, kur i kam vizituar të akuzuarit në Hagë, kam tërhequr vëmendjen. Kam paraqitur një raport në Republikën e Kosovës dhe kryesisht janë shqetësime që edhe sot po debatohen. Për më shumë se katër vite ka pasur thuajse shpërfillje totale, thuajse askush nuk është marrë me shqetësimet e ngritura”, ka thënë Qelaj në Kanal10.