Arsenali e ka shijuar fitoren e shtatë sezonale në Premierligë.
“Topçinjtë” mposhtën në shtëpi Sheffield Unitedin me rezultat 5:0, në kuadër të javës së 10-të në elitën e futbollit anglez.
Ishte Nketiah show sot, pasi që futbollisti anglez realizoi hat-trik.
Fillimisht Nketiah realizoi në minutën e 28-të pas asistimit të Declan Rice për epërsinë fillestare, rezultat me të cilin edhe u mbyll pjesa e parë.
Në të 51-tën Nketiah dyfishoi epërsinë, kurse shtatë minuta më vonë me një super gol e kompletoi hat-trikun e tij.
Në minutën e 88-të, Fabio Vieira realizoi nga penalltia për 5:0.
E krejt në minutat shtesë, Tomiyasu shënoi për epilogun e këtij takimi, 5:0.
Me këtë fitore, Arsenali shkon në kuotën e 24 pikëve në vendin e dytë, dy më pak se Tottenhami që i prin renditjes tabelare.
Në anën tjetër, Sheffield United mbetet i fundit në tabelë me vetëm një pikë të grumbulluar.
