Në vijim të deklaratave të tij për gazetarin Besard Jacaj në Klan News, ish-ambasadori i OSBE-së, William Walker, ka akuzuar drejtpërdrejt presidentin aktual të Serbisë, Aleksandër Vuçiç, si një person që duhej të përballej me akuzat për krime lufte për shkak të rolit të tij si ministër i propagandës në regjimin e Miloševićit.
Walker theksoi se masakra e Reçakut, e dokumentuar prej tij brenda 12 orëve nga ngjarja, proveson spastrimin etnik të ndërmarrë nga forcat e Beogradit, ndërkohë që krime të tilla masive serbe janë injoruar nga Bashkimi Evropian.
“Pashë krime lufte të kryera haptazi nga policia e Beogradit. Mendoj se është e provuar gjerë e gjatë, në ditën e 16 janarit, nga forcat e Beogradit. Nuk mendoj se ndokush është në gjendje që të provojë të kundërtën. Reçaku është e vetmja masakër, që unë isha në gjendje ta shikoja brenda 12 orëve pas kryerjes së tij, sepse Beogradi e kishte të pamundur që të manipulonte ngjarjen. Raçaku nuk ishte masakra e vetme, ka pasur plot masakra të tjera të kryera në Kosovë. Këto krime lufte nuk janë ndjekur nga BE.
Një person që mund të dalë për krime lufte dhe ai është presidenti i Serbisë, Aleksandër Vuçiç. Bëhet fjalë për një person që ka qenë në krye të zinxhirit komandës së Millosheviçit, ka qenë minstri i propagandës, ka qenë burri që deri më sot refuzon se çfarë kanë bërë serbët deri më sot. Ka qenë një politikë që po përpiqeshin të bënin spastrim etnik dhe po përpiqeshin që të justifikonin Holokaustin, që ishte kryer nga qeveria e Beogradit.
Aleksandër Vuçiç nuk është akuzuar për krime lufte dhe nuk është dënuar nga BE, vazhdon të refuzojë se çfarë ka ndodhur në Raçak dhe në Kosovë. Unë vazhdoj të pyes, ‘po BE, pse nuk bën të njëjtën gjë, siç bëri në Kosovë?’. Pse kanë krijuar vetëm një tribunal për shqiptarët, unë nuk e kuptoj se përse ekziston kjo ndasi.”
Ai shprehu turpërim dhe paqartësi se pse BE-ja dhe SHBA-t nuk kanë krijuar një gjykatë për dënimin e krimeve serbe, por kanë ngritur një tribunal ekskluzivisht për shqiptarët.
“Pse nuk ka një gjykatë të ngjashme dhe nën drejtimin e BE për të krijuar krimet e luftës serbe? Pse SHBA-të nuk janë duke kërkuar për themelimin e një gjykate të tillë? Unë ndjehem i turpëruar për diçka të tillë dhe nuk e kuptoj. Ajo se çfarë ndodhi në Hagë, një procedurë para 6 vitesh ishte për akuzat e ngritura ndaj Thaçit dhe të tjerëve. Pse iu deshën atyre 10 vite për të dalë në këtë përfundim dhe në këto akuza?”
Ish-diplomati e cilësoi si një dhunim të drejtësisë faktin që procesi ndaj Hashim Thaçit dhe ish-drejtuesve të tjerë ka kéo zgjatur 10 vite, me një paraburgim 6-vjeçar që u ka pamundësuar atyre mbledhjen e provave.
“Shpresoj që të zhvillohet procesi i apelit. Shpresoj që të mos duhen edhe 10 vite të tjera për Gjykatën e Apelit. Gjithë ky proces 10-vjeçar, ku 6 vite Thaçi, Veseli, Krasniqi dhe Selimi hoqën dorë nga profesionet e tyre dhe shkuan menjëherë në Hagë dhe thanë ‘ja ku jemi dhe jemi gati që të gjykohemi’. Për 6 vite ata qëndruan në paraburgim dhe e kishin të pamundur që të dilnin dhe të mblidhnin prova për veten e tyre. Sipas mendimit tim, më është thënë që sistemi i drejtësisë projektohet për të thënë që ose ke faj, ose je i pafajshëm, në mënyrë të menjëhershme. Për mua kjo është një dhunim për të gjetur drejtësi, por kjo është situata.
