- Advertisement -
Jude Bellingham e ka personalitetin për të përballuar presionin, sipas trajnerit të Real Madridit, Carlo Ancelotti.
Qëkur iu bashkua “mbretërve” nga Borussia Dortmund, anglezi ka performuar në nivel të lartë, duke qenë në disa raste protagonist kyç në suksesin e skuadrës.
“Ai është një lojtar shumë i fokusuar, shumë serioz, shumë profesionist”, ka thënë strategu italian. “Ai ka forcë të madhe fizike dhe ka treguar qëndrueshmëri. Nuk e di sa gola mund të shënojë, por ai duhet të ruajë këtë qëndrueshmëri sepse është duke na ndihmuar shumë në lojën tonë sulmuese”.
Real Madrid të dielën në kuadër të La Liga pret skuadrën e Real Sociedad.
