-1.4 C
New York
Wednesday, February 21, 2024

Buy now

AGK: Sjellja e Policisë e papranueshme

Asociacioni i Gazetarëve të Kosovës, ka shpreh shqetësimin me reagimin e Policisë së Kosovës ndaj përfaqësuesve të medieve gjatë protestës së PSD-së, kundër vizitës së Ekaterina Trendafilova – Kryetare e Dhomave të Specializuara të Gjykatës Speciale.

Në reagimin e AGK-së, thuhet se lëndime kanë pësuar dy gazetarë e dy kameramanë.

Reagimi i plotë:

Protesta e PSD-së kundër Trëndafilovës, gazetarët pengohen nga Policia e Kosovës gjatë raportimit

Asociacioni i Gazetarëve të Kosovës është tejet i shqetësuar si pasojë e zhvillimeve të ditës së sotme nga protesta e PSD-së, kundër Ekaterina Trendafilova – Kryetare e Dhomave të Specializuara të Gjykatës Speciale, ku është hedhur sprej dhe gaz lotsjellës në drejtim të gazetarëve.

Nga ky veprim i policisë, kanë pësuar kolegët Elmedina Ballazhi dhe Pleurat Salihu, i cili edhe është alivanosur, Hasan Hoti dhe Rrahman Osmani, si dhe të tjerë.

Për Asociacionin e Gazetarëve të Kosovës, kjo sjellje e Policisë së Kosovës është absolutisht e papranueshme dhe e dënueshme, andaj i bën thirrje që të respektojë punën e gazetarëve, si dhe të mos i pengojë ata gjatë kryerjes së detyrave të tyre profesionale. Njëherësh, u bëjmë thirrje kolegëve që raportojnë nga terreni të bartin me vete ID-të e tyre të punës, si dhe jelekët me mbishkrimin PRESS, ashtu që të identifikohen që janë punonjës të medieve, dhe jo protestues.

#AGK #journalists #SafeJournalists


www.agk-ks.org

Kosovo Police

Të ngjashme

111,400FansaPëlqeje
12,000NdjekësitNdjek

Të fundit