Asociacioni i Gazetarëve të Kosovës përmes një komunikate për media, ka njoftuar se i ka dërguar një letër Kryeprokuorit të Prokurorisë Themelore në Prishtinë, për t’u sqaruar në lidhje me hetimet ndaj gazetarëe Vehbi Kajtazi e Lirim Mehmetaj.
“Gjithashtu, AGK ka kërkuar një takim me Kryeprokurorin për të diskutuar rastin dhe për të mbrojtur të drejtat e gazetarëve.” – thuhet ndër të tjera aty.
E plotë:
AGK shpreh shqetësimim për hetimet ndaj gazetarëve
Asociacioni i Gazetarëve të Kosovës – AGK, sot i ka dërguar një letër Kryeprokurorit të Prokurorisë Themelore të Prishtinës, duke kërkuar sqarime lidhur me hetimet ndaj gazetarëve Vehbi Kajtazi dhe Lirim Mehmetaj.
AGK-ja është thellësisht e shqetësuar për këtë situatë dhe kërkon që të sigurohet se këto hetime nuk janë të motivuara politikisht, si dhe që liria e shprehjes dhe e medias të respektohen në tërësi.
Gjithashtu, AGK ka kërkuar një takim me Kryeprokurorin për të diskutuar rastin dhe për të mbrojtur të drejtat e gazetarëve.
AGK do të vazhdojë të monitorojë nga afër këtë zhvillim, ndërsa fton të gjitha palët e përfshira të mos i shkelin parimet demokratike dhe që në asnjë formë të mos cënohet liria e shprehjes, e gazetarëve, e mediave dhe e drejta për informim.
