24.2 C
New York
Sunday, June 23, 2024

Buy now

Ademi: Kontributi i Zija Halilosmanit ishte i jashtëzakonshëm për futbollin e Kosovës

- Advertisement -

Presidenti i Federatës së Futbollit të Kosovës (FFK), Agim Ademi, i ka dërguar telegram-ngushëllimi familjes Halilosmani me rastin e vdekjes së ish-futbollistit të Vëllaznimit, Zija Halilosmani.

Me këtë rast, Ademi ka thënë se kontributi i Zija Halilosmanit ishte jashtëzakonshëm për futbollin e Kosovës.

Telegram-ngushëllimi i plotë:

E nderuara Familje Halilosmani!

Me pikëllim të madh e morëm lajmin për vdekjen e ish-futbollistit të KF Vëllaznimi, Zija Halilosmanit, ndaj më lejoni që në emrin tim, të KE të FFK-së dhe tërë komunitetit të futbollit të ju shprehim ngushëllimet tona më të thella dhe të sinqerta.

Kontributi i Zija Halilosmanit ishte jashtëzakonshëm për futbollin e Kosovës e në veçanti për KF”Vëllaznimi”, ngjyrat e të cilit i mbrojti për një kohë të gjatë në vitet shkëlqimit të klubit kuqezi 1965/1975.
Zija Halilosmani la gjurmë të thella në futbollin gjakovar, ndërsa u shqua me vitytet e tij prej njeriu intelektual dhe të urtë.

I përjetshëm qoftë kujtimi për Zijan!

Me respekt,
Agim Ademi, president i FFK-së

Të ngjashme

111,400FansaPëlqeje
12,000NdjekësitNdjek

Të fundit