Shefi i Grupit Parlamentar të Partisë Demokratike të Kosovës me një njoftim në rrjetin social Facebook, ka njoftuar se ka qenë në Hagë ku dhe ka vizituar ish-presidentin Hashim Thaçi.
Tahiri tha se ish presidenti mbetet “inspirim” për ta, i cili vazhdon të përballet me drejtësinë atje.
Ai tha se Thaçi i ka dërguar të fala popullit të Kosovës.
Njoftimi i plotë:
Çdo vizitë në Hagë është inspiruese. E njëjtë ishte edhe kjo e sotmja. Takova Presidentin Hashim Thaçi. Mirë me shëndet dhe me besim në drejtësinë, Presidenti Thaçi është inspirim për mënyrën se si vazhdon të përballojë sfidat me të cilat përballet.
I pathyer, me humor të mirë, i përkushtuar për ta mbrojtur të drejtën e popullit tonë për liri, Presidenti Thaçi më përcolli edhe me të fala për të gjithë ju!
Në ditët me shi e zymtësi, të fortë na mban besimi se dielli do të lind përsëri.
