AAK e “blindon” ulësen e pestë të deputetit, e konfirmon kandidati që ishte në garë të ngushtë me atë të Nismës

Kandidati i Aleancës për Ardhmërinë e Kosovës (AAK) për deputet për zgjedhjet e 9 shkurtit, Lahi Brahimaj, ka konfirmuar se ka siguruar votat e nevojshme për mandatin për legjislaturën e ardhshme.

Brahimaj me anë të një shkrimi në ‘Facebook’ ka thënë se do të jetë zë i fuqishëm për një Kosovë të zhvilluar ekonomikisht.

“Falënderim i përzemërt për secilin prej jush që më besuat votën tuaj! Ky besim është përgjegjësi dhe zotim për punë të palodhur. Do të jem zëri juaj i fuqishëm për një Kosovë më të zhvilluar ekonomikisht, më të sigurt dhe me dinjitet të plotë ndërkombëtar. Garuam së bashku, vazhdojmë bashkë”, ka shkruar ndër të tjera ai.