8 minuta duartrokitje, Angelina Jolie shfaqet e përlotur në premierën e filmit “Maria” (Video)

Jolie u përshëndet nga publiku, i cili u ngrit në këmbë dhe e duartrokiti atë për tetë minuta rresht. Disa njerëz postuan video në rrjetet sociale gjatë këtyre ovacioneve, ku fituesja e çmimit Oscar shihej e përlotur.

Para shfaqjes, Jolie foli sesi roli paraqiti sfida dhe vështirësi të ndryshme.

“Ky rol ishte një terapi që nuk e kuptoja se kisha nevojë. Nuk e kisha idenë se sa po mbaja dhe nuk po lëshoja jashtë. Pra, sfida nuk ishte teknike, ishte një përvojë emocionale të gjeja zërin tim, të isha në trupin tim, të shprehesha. Duhet të japësh çdo pjesë të vetes”, u shpreh ajo gjatë një konference shtypi.