Një zjarr shpërtheu në një ndërtesë të mërkurën herët në Filadelfia, duke vrarë 13 njerëz, përfshirë shtatë fëmijë, thanë zyrtarët e zjarrfikësve. Të paktën dy persona u dërguan në spitale dhe zyrtarët paralajmëruan se numri mund të rritet, ndërsa zjarrfikësit kontrolluan shtëpinë, ku kishin qëndruar 26 persona.
Katër alarmet e tymit në ndërtesë, e cila ishte banim publik, duket se nuk kanë funksionuar, thanë zyrtarët e zjarrfikësve. Shkaku i zjarrit nuk u përcaktua, por zyrtarët e tronditur nga numri i të vdekurve, me sa duket më i larti në një zjarr të vetëm në qytet në të paktën një shekull, shkruan AP.
Zyrtarët nuk i dhanë emrat apo moshat e të vrarëve nga zjarri, i cili filloi para orës 6:30 të mëngjesit. Rrugët përreth vendit të ngjarjes mbetën të bllokuara në mesditë, ndërsa hetuesit po punonin.
