𝗡ë 𝘀𝗵𝗲𝗻𝗷ë 𝘁ë 𝗽ë𝗿𝗸𝘂𝗷𝘁𝗶𝗺𝗶𝘁; 𝗘𝗻𝘃𝗲𝗿 𝗦𝘆𝗹𝗲𝗷𝗺𝗮𝗻𝗶, 𝗺𝗶𝗸𝘂 𝗱𝗵𝗲 𝗮𝗺𝗯𝗮𝘀𝗮𝗱𝗼𝗿𝗶 𝗶 𝗳𝘂𝘁𝗯𝗼𝗹𝗹𝗶𝘁

Nga Agim Ademi

Ndjenjat tona sot janë të mbyllura në fjalët e pakta, pasi një mik i vërtetë ka lënë këtë botë – figura e shquar e futbollit shqiptar, Enver Sylejmani, ambasadori i pasionit për futbollin.

Enver ishte më shumë se një mik; ishte një vëlla, një njeri me një zemër të madhe për futbollin dhe miqësinë. Ndaj sot kujtimet e shumta të kohës së kaluar së bashku në shumë ngjarje dhe manifestime futbolli.

Si në çdo event tjetër të FFK-së, ai, ishte i pranishëm edhe në ceremoninë e këtij fundviti “Laureatët 2023”.

Së bashku mes miqsh të shumtë shijuam momente kënaqësie dhe krenarie për arritjet e përbashkëta në fushën e futbollit gjatë vitit. Por fatkeqësisht, ajo mbrëmje doli të jetë ndeja jonë e fundit. Fotoja që realizuam bashkë tashmë mbart një vlerë të veçantë –  ajo tregon miqësinë dhe dashuri për futbollin.

Enver Sylejmani iku shpejt nga kjo botë, duke lënë një boshllëk të thellë në zemrat tona. Ai punoi pa u lodhur për futbollin dhe e shfaqi pasionin e tij në çdo hap. Në këtë moment të trishtueshëm, kujtoj angazhimin dhe dedikimin e tij ndaj këtij sporti, teksa në kujtimet tona, ai do të jetë gjithmonë aty, duke na inkurajuar dhe frymëzuar me pasionin dhe zellin e tij për futbollin.

Sikurse një top që rrotullohet pa ndal, ashtu edhe Enver Sylejmani shpërndante dritën e tij të veçantë dhe pozitivitetin kudo. Në këtë ditë kur ai përfundimisht na braktisi nga kjo botë, shpreh respektin dhe mirënjohjen për këtë njeri të jashtëzakonshëm, i cili la gjurmë në historinë e futbollit në Maqedoninë e Veriut, por edhe në atë mbarëkombëtar me vlerat e tij të atdhedashurisë dhe të bashkimit.

I pavdekshëm kujtimi për Ty, miku im Enver!