- Advertisement -
Presidenti i Shqipërisë, Ilir Meta, ka komentuar sot zhvillimet e fundit në Partinë Demokratike.
Në një intervistë për TV21 Maqedoni në emisionin ClickPlus, Meta tha se Lulzim Bashës i takon përgjegjësia për dështimet e opozitës.
“Përgjegjësia ekskluzive për dështimet e opozitës i takon Lulzim Bashës”, tha ai.
Të shtunën ish-kryeministri i Shqipërisë, Sali Berisha protestoi përpara selisë blu duke kërkuar largimin e Lulzim Bashës nga zyrat e Partisë Demokratike.
Ndryshe, Berisha dhe Basha pritet të thërriten në cilësinë e deklaruesit në Prokurorinë e Tiranës për të dëshmuar për protestën e 8 janarit.
