Edhe zyrtarisht i është zgjatur mandati Miroslav Lajçakut, si emisar special për dialogun Kosovë-Serbi.

Vendimi u mor në Këshillin e Bashkimin Europian.

“Miroslav Lajçakut, Përfaqësuesit Special të BE-së për dialogun Kosovë-Serbi dhe për çështje tjera rajonale të Ballkanit Perëndimor, i është vazhduar mandati deri më 31 janar, 2025”, thuhet në vendim.

Kjo detyrë iu besua ish-kryediplomatit sllovak, Miroslav Lajçak më 2 prill të vitit 2020.