Udhëheqësi çeçen pro-Kremlinit, Ramzan Kadyrov është i sëmurë rëndë, pohoi të shtunën një zëdhënës i Inteligjencës Ukrainase të Mbrojtjes, duke cituar “burime të ndryshme në qarqet mjekësore dhe politike”.

“Ka informacione se krimineli i luftës Kadyrov është në gjendje të rëndë dhe sëmundjet që ishin atje janë përkeqësuar dhe kanë shkaktuar një gjendje kaq të rëndë”, tha zëdhënësi Andriy Yusov për mediat ukrainase, shkruan CNN.

“Shëndeti i tij i keq nuk ishte për shkak të një lëndimi”, shtoi Yusov.

“Ai është i sëmurë për një kohë të gjatë dhe po flasim për probleme shëndetësore sistematike,” tha ai. Ditët e fundit ai ka qenë në një gjendje të rëndë.