Steven Gerrard është trajneri i ri i Al-Ettifaq.

Klubi nga Arabia Saudite e ka zyrtarizuar sot marrëveshjen me legjendën angleze.

Detajet e marrëveshjes nuk janë bërë ende të ditura.

“Këtu është burimi i legjendave. Kemi kënaqësinë të njoftojmë nënshkrimin e Gerrard si trajner i klubit Al Ettifaq”, thuhet në njoftimin e klubit nga elita e futbollit saudit.

Kujtojmë se 43-vjeçari ishte pa skuadër që prej tetorit të vitit të kaluar, kur u shkarkua nga Aston Villa.

Steven Gerrard kishte udhëhequr edhe Rangersin, skuadër me të cilën ishte shpallur kampion në Skoci – sezoni 2020/21.