Joao Felix edhe zyrtarisht është lojtari më i ri i Al-Nassr.
Sulmuesi portugez ka kompletuar transferimin e tij nga Chelsea te gjigantët sauditë, duke i dhënë fund spekulimeve të afatit kalimtar që e lidhnin me një rikthim te Barcelona.
Pas një periudhe të luhatshme në Spanjë dhe një huazimi te Barça, Felix ka vendosur të nisë një kapitull të ri në karrierën e tij në Saudi Pro League, aty ku do të luajë krah emrave si Cristiano Ronaldo dhe Sadio Mane.
Klubi londinez ka përfituar 30 milionë euro nga shitja e tij, ndërsa 20 milionë euro të tjera mund të arkëtohen në formë bonusesh të varura nga paraqitjet dhe sukseset e lojtarit.
Ndërkaq, 24 vjeçari thuhet se do të përfitojë një pagë të majme duke u bërë një nga lojtarët më të paguar në Arabinë Saudite.
Me këtë lëvizje, Al-Nassr vazhdon të forcohet ndjeshëm në arenën ndërkombëtare, ndërsa Joao Felix synon të rigjejë vazhdimësinë dhe rolin lider në një kampionat që po tërheq gjithnjë e më shumë yje të futbollit botëror.
