Portieri me prejardhje nga Kosova Diant Ramaj ka kompletuar kalimin te Borussia Dortmund, mirëpo do të shkojë te skuadra daneze Copenhagen për pjesën e mbetur të sezonit.

Ramaj kishte humbur vendin te Ajaxi, ndërsa i bashkohet Dortmundit në një marrëveshje që do të vlejë për katër vite e gjysmë.

Sidoqoftë, këtë sezon do ta kalojë te Copenhagen, aty ku do të luajë si titullar meqenëse një gjë e tillë s’është e mundur te skuadra gjermane.

“Mirë se vjen Ramaj. Borussia Dortmund e ka transferuar 23-vjeçarin Diant Ramaj nga Ajaxi në një marrëveshje për katër vite e gjysmë”.

“Ai menjëherë do të huazohet te lideri i ligës daneze FC Copenhagen deri në fundin e sezonit”, thuhet ndër të tjera në komunikatë.

Kujtojmë, Ramaj vazhdon ta refuzojë përfaqësimin e Kosovës meqenëse e ëndërron fanellën e Gjermanisë në nivelin ndërkombëtar.