Portieri i Kombëtares së Kosovës, Arijanet Muriq edhe zyrtarisht do të jetë pjesë e kampionatit italian në sezonin 2025/26.
Muriq, të mërkurën është prezantuar te Sassuolo, ekip që është rikthyer në Serie A për këtë sezon pasi sezonin e shkuar doli kampion i kategorisë së dytë.
26-vjeçari është huazuar te Sassuolo për një sezon nga Ipswich Toëni i Anglisë, ndërsa ekipi italian e ka opsionin e blerjes së tij vitin e ardhshëm për 10 milionë euro.
Për portierin e Kosovës, kjo është hera e parë që do të paraqitet për një skuadër nga Italia, pasi më herët karrierë ka bërë edhe në Spanjë, Turqi e Holandë përveç Anglisë.
Ai pritet ta ketë vendin e titullarit te Sassuolo që fitoi garën për shërbimet e Muriqit para Rizesporit e Monacos, ekipe që gjithashtu kishin shprehur interesim për portierin e Kosovës.
Muriq ka kontratë me Ipswichin deri në vitin 2028, ndërsa ka luajtur edhe për Burnleyn, Manchester Cityn, Adana Demirsporin, Willem II, Gironan e Nottingham Forestin.
Me “Dardanët”, ai ka regjistruar 36 paraqitje prejse debutoi në nëntor të vitit 2018.
