Shahin Dervishaj, kandidati për deputet nga diaspora me numër 77 nga radhët e Partisë Demokratike të Kosovës, thotë se është i bindur dhe i vendosur që do të sjell ndryshime pozitive për qytetarët e Kosovës.

Ai përmes një postimi në “Facebook”, ka falënderuar të gjithë për besimin dhe mbështetjen që i kanë dhënë atij në këto zgjedhje.

Me shumë optimizëm dhe përkushtim, si kandidat për deputet nga diaspora me numrin 77, jam i vendosur të sjell ndryshime pozitive dhe mundësi më të mira për qytetarët tanë!  Faleminderit nga zemra gjithësecilit nga ju për besimin dhe mbështetjen. Zoti ju bekoftë”, ka shkruar Dervishaj.

Ndryshe Shahin Dervishaj në zgjedhjet e 9 shkurtit kandidon me numrin 77 nga PDK.