Një objekt banesor është përfshirë nga zjarri sot në Fushë Kosovë.

Nga Polica e Kosovës i kanë thënë lajmi.net se rasti ka ndodhur rreth orës 12:00.

Në vendin e ngjarjes kanë dalë edhe zjarrfikësit edhe Policia e Kosovës.

Siç bëhet e ditur, nuk raportohet për të lënduar mirëpo nga problemet me frymëmarrje, tretman mjekësor kanë pranuar 4 persona, dy nga ta zyrtarë policor.

Deklarata e plotë e policisë:

Sot rreth orës 12:00, është raportuar se  një objekt (banesë) në rrugën Hajrullah Zymi në Fushë Kosovë, është përfshirë nga zjarri.

Policia menjëherë ka dalë në vendin e ngjarjes, po ashtu edhe zjarrfikësit.

Nuk raportohet për persona të lënduar, mirëpo si pasojë e problemeve me frymëmarrje (nga tymi) tretman mjekësor kanë pranuar 4 persona (dy nga ta zyrtarë policor)

Zjarri është lokalizuar dhe  policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.