Zjarri i madh në autostradën “Ibrahim Rugova”, krijohen kolona të gjata te Qafa e Duhles

Sipas pamjeve nga vendi i ngjarjes, dyshohet se një kamion është përfshirë tërësisht nga flakët, çka ka bërë që qarkullimi i automjeteve të vështirësohet mjaft shumë.

Si pasojë e zjarrit dhe rrezikut në rrugë, janë krijuar kolona të gjata automjetesh që presin në këtë pjesë të autostradës.

Në vendin e ngjarjes janë parë ekipet e zjarrfikësve.

Gazeta Insajderi ka kontaktuar Policinë e Kosovës për të marrë informacione zyrtare lidhur me shkaqet e zjarrit dhe nëse ka persona të lënduar, mirëpo deri në momentin e publikimit të këtij lajmi, policia nuk ka kthyer përgjigje.