Për rrugën drejt zgjedhjeve në katër komunat veriore, Bashkimi Evropian e Amerika po preferojnë dorëheqjen e kryetarëve si zgjidhje më të shpejtë, por qeveria e Kosovës s’po lëshon pe.
Ajo kërkon se kjo duhet të bëhet me udhëzimin administrativ që mundëson largimin e kryekomunarëve. Në këtë këmbënguli edhe kryeministri, Albin Kurti, të enjten në Bruksel.
Megjithatë, kërkesën ndërkombëtare se kundërshton edhe një nga kryetarët e zgjedhur në veri.
Izmir Zeqiri i Zubin Potokut preferon dorëheqjen nëse arrihet një dakordim paraprak, por shprehet skeptik se është koha për organizimin e votimeve, njofton Klan Kosova.
Me marrëveshjen e Bratisllavës, Kosova u dakordua të sigurojë bazën e nevojshme ligjore për organizimin e zgjedhjeve.
Opsionin për dorëheqje, po konsiderohet se evropianët është dashur ta theksojnë në këtë dakordim, e jo tash.
