Zëvendëskryeministri i Britanisë, Dominic Raab, ka thënë se pushtimi rus i Ukrainës mund të zgjasë me muaj ose vite.
“Ne nuk duhet të kemi asnjë dyshim se misioni ynë me aleatët tanë është të sigurojmë dështimin e Putinit në Ukrainë dhe do të marrë pak kohë. Ne po flasim për muaj, nëse jo vite, dhe për këtë arsye ne do të duhet të tregojmë një qëndrueshmëri strategjike sepse kjo nuk do të përfundojë brenda disa ditësh”, është shprehur Raab.
Raab theksoi se kur shikoni atë që Putini ka bërë në të kaluarën, në të gjitha luftërat në të cilat ai ka qenë i përfshirë, ju shikoni taktikat në Siri… “Unë nuk mendoj se ka ndonjë taktikë që ai nuk do ta bënte”, raporton Skynews.
“Por unë do të thosha këtë. Mendoj se NATO dhe vendet e Evropës Qendrore dhe Lindore janë absolutisht të vendosura dhe ne do t’i mbështesim ato deri në fund”.
